Euskal Jaiaren barruan, datorren ostiralean, 17:00etatik aurrera, Untzaga plazan 5-8 urte bitarteko umeentzako jolasak egongo dira; betiko jolasak izango dira soka-saltoan egitekoak, esku-jolasak, zapitxoarena... gaur egun gure kale eta plazetan gero eta gutxiago ikusten diren ume-jolasak.

Azken ikasturtean, Eibarko ikastetxe guztiekin adostuta, hainbat jolas landu dira jolas-orduetan.

Egitasmoaren helburua jolas giroan euskaraz egitea da. Jolasa garrantzi handikoa da hizkuntza, kultura, gizarte eta haurraren garapenerako. Jolasaren bitartez komunikatzeko gaitasuna handitu egiten da, lankidetzan aritzeko gaitasuna, guraso eta seme-alaben arteko harremana sendotu egiten da, norneraren estimu ona garatzen da, hizkuntza oharkabean barneratzen da, guztiak onurak.

Hemendik gurasoak ere animatu nahi ditugu umeekin batera jolastera.

Ikusi jolask erantsitako artxiboan.